2016年09月15日 星期四
【頭已側】貓貓keep住呢個坐姿成分鐘係咩玩法？
大家知唔知點解啲奴才叫主子做貓星人吖？以毛毛9估，應該就係因為一眾主子啲神情動作成日都好似個人仔咁嘞！唔信睇下呢位主子坐嗰陣嘅姿勢～腿張開咁樣樣，真係成個大爺咁款喎，幾有霸氣呀！
「望咩呀喵，未見過咁有霸氣嘅貓呀？」
而最近，阿奴才就表示，呢位主子除咗鍾意腿張開咁坐之外，呢排仲好鍾意隻個身倒轉咁坐喎，佢仲話主子呢個倒掛pose hold咗成分鐘，到佢影完相呃埋like都仲hold住?……嘩，使唔使咁好持久力呀？
btw，雖然一眾奴才就冇資格干涉主子做乜嘢，但為咗主子健康同安全著想，各位奴才都係睇緊啲主子，如果唔係陣間扭親腰骨就唔好啦～
資料來源：dcard
