中秋節玩燈籠是常識吧！有網友就喺大埔野生捕獲咗幾個靚到爆嘅寵物小精靈紙紮燈籠呀！

要儲夠400粒糖先有得進化做鯉魚龍好難？計毛毛話，整呢個鯉魚龍燈籠仲難呀！手工又要好，仲要付出無限嘅心機同埋時間，真係抵毛毛封呢個網友做香港神之手呀！

其實呢幾個紙紮燈籠都係一個香港女仔同佢honey一齊整，完全係純手工自家製㗎！除咗鯉魚龍之外，佢哋仲整埋個個都很想捕捉嘅卡比獸?！

有好多網友見到之後都大讚佢哋手工好，有人仲留言話隻卡比獸好似黑面腦細?……喂不要侮辱卡比獸好冇……Any肥，呢兩個手工達人都好謙虛㗎！佢哋同毛毛講話喺路上都遇到其他好有心嘅小精靈訓練員，佢哋整嘅燈籠都一樣咁靚，仲同毛毛開心些牙?！

古乳有暈，高手在民間真係冇講錯，毛毛隔住個mon睇都覺得啲燈籠靚到一個點呀！希望呢種手藝可以一直咁傳承落去，等毛毛同大家可以喺每年嘅中秋節都睇到呢啲世界級嘅燈籠啦！

圖片來源、資料來源：‎Christine Kwan‎ ／Tai Po 大埔