杯麵真係可以話係睇住毛毛成長，每逢宵夜糧尾OT嘅時候，杯麵bb佢永遠都會陪住我，所以前排我哋嘅香港代表「香辣海鮮味」拎全球第一，毛毛都真係有啲感動到眼濕濕，仲大手掃貨諗住食個杯麵放題賀賀佢㗎！

不過呢頭掃完，嗰頭日本又出新口味喇！

今次呢個杯麵係叫做謎肉祭，係日清為咗慶祝45 周年同埋多謝大家一直咁捧場而推出嘅。話明係肉祭喇喎，入面啲肉就梗係多到喊啦！

齋睇已經咁吸引，淥熟埋你仲唔濕晒呀…I mean係流口水流到一地都係咋！

聽啲日本網友講，話啲肉唔係揸流攤，味道亦都keep住一貫水準。日本嗰邊而家仲開始賣斷貨?喇！喂可唔可以等埋毛毛請假嚟日本先呀喂…！

圖片來源、資料來源：takaaki68／twitter、ikkodate2008／twitter、IMURAYA_DM／twitter、gigazine