眾所9知，早兩日就係中秋節啦～咁即係咩呀？咁咪即係代表好快就到涼浸浸嘅秋天、到咗「燒雞翼，我自細鍾意食」嘅季節囉！而最近，有台灣網民都見秋風起，諗住燒返隻雞嚟食下啦，點知個火仲難捉摸過女人，搞到隻雞一燒就燒到成隻不死鳥咁款喇……

嘩，真係燒到火辣火辣咁樣喎，連隻雞嘅身影都唔見埋?！不過咁都未算陰公，最陰公嘅係……隻雞最後仲由不死鳥進化到變埋做哥斯拉呀！

樂觀啲咁睇，隻燒雞都只係黑咗少少同有少少似哥斯拉啫，你唔可以因為咁樣就歧視佢㗎喎……起碼佢啲肉畀火燒咗咁耐一定唔會唔熟先吖！公道啲講，搞成咁樣大家都唔想嘅，不如我哋搵過另一隻雞重新開始過啦好嗎？

資料來源：PTT