你哋唔好諗住毛毛係毒L，就冇人會打畀毛毛呀。其實除咗腦細同屋企人之外，間唔中都有啲電話推銷員同埋電話騙徒打畀我㗎，有陣時毛毛仲會同佢哋傾兩咀?！就好似呢個台灣網民咁：

話說佢成為咗被挑選嘅細路，畀騙徒揀中咗要呃佢錢。咁佢本身份人都好大方嘅，個騙徒叫到佢去銀行過數咯，咪即刻去過囉！

呃錢還呃錢，數還數，路還路，入數紙還是要攞的。呢個騙徒都千叮萬囑個網民，記住要拎入數紙之後影相畀佢睇喎。之但係大拿拿台幣兩萬銀，霎時間去邊度拎畀個騙徒呀？

少年你太年輕了，錢咋嘛！毛毛閒閒哋都有幾十億啦，不過暫時未用得住咋嘛！呢個網民亦都好好人，特登拎埋第時啲積蓄畀個騙徒，真係好有心呀！

可能個騙徒見個網友咁易話為，都唔好意思為難佢，仲同佢講咗句多謝?！估唔到呃人都可以咁有禮貌㗎喎！毛毛今次真係學到好多嘢呀！

圖片來源、資料來源：Yuxuan Wu