暑假又放完，中秋都過咗，聖誕又仲有排先到，生活好似冇咩好期待咁…… 唔好咁灰啦，你唔記得喇咩？仲有個幾月就到Halloween喇！到時又有得欣賞老蘭班女女扮俏護士同兔女郎喇yeah！

真係諗起都想食呀……咩呀，毛毛講緊食Halloween大餐呀～啲餐廳會整血淋淋嘅人腦、骷顱頭造形嘅嘢食，雖然明知係假，不過要擺入口都咪話唔驚驚。

最驚就係埋單嗰下呀……明知啲血唔係茄汁就係果jam，但Halloween呢一日就收你幾嚿水，係咪諗下個心都離一離先？唔想畀人昆水，不如自己落手整啦。

材料包括：椰菜一個，手兩隻。話就話「自己落手整」啫，唔使真係切對手落嚟呀？！切咗仲點煮呀？

睇真啲先啦，原來係10條腸仔嚟㗎！睇落又真係幾似兩隻手畀人煮緊都仲揸實個椰菜掙扎咁喎！一於Halloween整呢味菜識女仔，聖誕咪有著落囉！

キャベツとソーセージのポトフ作ってたはずなのに、気づいたらキャベツをこじ開けて誰かが出てこようしてるように見える pic.twitter.com/Ogjg83CnNv

— シンク (@ITHINK_S0) September 17, 2016

封面圖片、資料來源連結：ITHINK_S0/／twitter