細細個睇《哈利波特》，都會覺得哈利要住喺樓梯底好慘，後來大大下先發現，其實喺香港連樓梯底都冇得住先係最慘……唔信你睇下呢隻外國嘅芝娃娃，佢個竇雖然係起喺樓梯底，但已經達到狗界嘅豪宅級喇！

首先呢間房嘅地理位置極佳。樓梯係全屋人嘅必經之地，上上落落都要條樓梯，住喺呢度唔單止交通四通八達，仲可以掌握埋全屋人嘅所在位置?！

入面嘅間隔亦都非常四正，絕對唔會好似香港啲樓咁會出現啲奇怪設計，實用面積肯肯定達到100％呀！

再加埋啲傢俬同小擺設，成個狗竇就大功告成喇！你睇下呢位成功上樓嘅業主，個樣幾咁招積！

睇完呢幾張相之後，係咪有一種連狗都住得比你好嘅感覺呢？嗯，I know that feel bro……

圖片來源、資料來源：Fatisbac／imgur