除咗瞓緊覺嗰陣，基本上任何時候都係咁眼瞓。不過，有一個毛文毛毛係點都唔敢瞓嘅……就係剪緊頭髮嗰陣呀！唔睇實啲容乜易畀個髮型師剪7咗毛毛個頭㗎？嗱，話口未完，呢度已經有位台灣網民畀人剪7咗個頭喇！

是咁的，話說有位姓吳嘅台灣髮型師就話，最近有客人話想剪到個髮型好似孫悟空咁款喎，咁佢咪幫客人剷個金剛圈出嚟囉，點剷完個客先話係《龍珠》嗰個孫悟空，唔係《西遊記》嗰個孫悟空……

大家睇下呢位客人嘅眼神！見到呢張相之後，毛毛先真真正正明白咩叫眼神死。

btw，其實剪7咗個頭又點吖，正所謂「7到盡頭便是型」呀嘛！再講吖，由經濟角度嚟睇，你咁樣樣剪先合符經濟效益呀，唔通好似啲妹豬咁剪完好似冇剪過咁好咩（好似係）！

資料來源：吳育銘／爆廢公社

延伸閱讀：【喊都冇用】明明髮型師話染到呢個效果㗎！