毛毛相信，每個男人心目中，都會有一部紅白機。諗返起細細個打機嗰陣，狂撳reset都唔得要吹帶嘅日子，真係好懷念呀！超任，絕對可以話係男人嘅浪漫呀！

前排老任就話要推出部復刻版迷你灰機畀大家止下渴，不過成幾舊水，哪有錢……不如學下呢個外國人咁，試下自己做一部啦！

毛毛讀書少，聽唔明佢啲雞腸，但望住段片都覺得佢巧叻叻呀！由外殼去到入面嘅零件，全部都係佢自己一手一腳去砌，最後仲要真係駁到落部電視度打埋機玩埋星之卡比，除咗犀利毛毛都唔知講咩好喇。

所以唔好再話打機冇用喇，男人為咗打機，真係可以去到好盡㗎！

圖片來源、資料來源：lyberty5／youtube、The Verge