係人都知日本仔創作力量同幻想會嚇你一跳，周不時都會有驚奇嘅發明誕生！就好似上層係炒飯下層係壽司飯嘅炒飯軍艦，同埋畀你用白飯當餸咁配白飯食嘅白飯定食咁：

不過唔好見到呢兩款食物，就以為個個日本人都係飯桶，無飯不歡呀，而家有唔少日本女仔都見到飯就怕怕，甚至變埋大嘥鬼㗎！

最近有日本媒體報道，越嚟越多女性為咗減肥而吸收少啲碳水化合物，所以去到迴轉壽司嘅時候，淨係食塊刺身，食剩晒一嚿二嚿壽司飯呀！

「食剩飯尾第日大個會嫁個豆皮佬」呢句說話，細細個就聽過啦！唔通日本啲媽媽冇將呢句警世名言教畀囡囡嘅咩？！

以前以為女仔嘅浪漫係「刺身加嚿飯」，點知原來而家係「食壽司食剩飯」，唉，如果唔想食飯，點解唔淨係order刺身喎。Between，唔好話人哋日本妹大嘥喇，其實毛毛都喺香港見過唔少人食放題會食剩嚿飯…… 

回転寿司「シャリ残す」女性が増殖中　理由は「糖質制限中だから」とのこと

ツイッターなどのSNSには、若い女性ユーザーを中心に「シャリは太るから食べない」といった報告が相次いでいる状況だ pic.twitter.com/XyUFCzZ2mW

— トマト大好き (@tmato30kcal) September 19, 2016

封面圖片、資料來源連結：tmato30kcal／twitter、netlogch.com

延伸閱讀：【你真識食】日本新出炒飯軍艦係咩食法？

【咁客氣呀】叫炒飯套餐 個餸竟然都係炒飯？