自從發明咗smart phone之後，一切都回不去了…… 一家人同枱食飯但就總有人掛住上網、打機，想好好地傾幾句偈都好難咁。不過唔好誤會係阿仔阿女不孝呀，毛毛講緊老竇同媽子成個中年廢青咁，終日耽於逸樂，沉迷虛擬遊戲呀。

唔好以為做小精靈訓練員係後生仔專利，其實阿爸阿媽玩起上嚟，分分鐘仲認真過你班後生呀！就好似呢個媽媽咁呀，用裝水果嘅網嚟包實部機再黐喺風扇上面孵蛋，玩都玩得認真過人，不過唔知阿仔會唔會投訴冇風扇呢？

呢個老竇就仲過份，竟然夜媽媽嘈醒個女去捉小精靈？！話說有個網民同爸爸一齊出街收服小精靈，阿爸就成功捉到水箭龜，點知佢嗰隻就走甩咗，梗係唔開心扁晒嘴仔咁返屋企啦。

到咗凌晨4點，老竇竟然無啦啦嘈醒阿女，話要拎佢部電話出去幫佢捉返隻水箭龜返嚟！雖然最後都係捉唔到，但單係呢份只要寶貝女開心就咩都做得出嘅堅持已經好令人滾動！老竇就係咁㗎喇，唔會同你拖手仔出街又唔會攬攬，但總會用佢嘅方式畀你知道佢有幾錫你！

封面圖片、資料來源連結：PTT、黃小花／●【爆系公社寶可夢討論區】●

延伸閱讀：【中年廢青】阿媽霸住個風扇嚟孵蛋…