世人已經阻止唔到日本人嘅創意力量同幻想喇！竟然連切洋蔥切到喊都可以搞個選美比賽出嚟？

是咁的，話說呢個洋蔥泣美人選舉係會專登影住啲佳麗切洋蔥切到喊嘅一刻，然後畀網民投票邊個最靚咁樣樣嘅～呢6個就係今次比賽嘅選手喇！

咁多後生女，仲有個係小學生嚟?！6號位婆婆原本都諗住自己今次實係陪跑㗎喇，但係佢都冇因為咁而亂打告急牌，亦都冇咇眼淚，淨係一直默默咁切洋蔥。眼見1號同3號嘅佳麗就嚟贏喇，日本一班網民都忍唔住，決定要出動投婆婆一票呀！而家佢已經有萬幾票，暫時領先緊喇！

計毛毛話，識投一定係投婆婆一票囉！睇返啲相，婆婆唔單止又pure又true，仲要係做農夫?㗎，淨係呢樣嘢已經值得加分啦！不過講到食物選美大賽喇喎，我哋香港都有份㗎！好似呢個大閘蟹小姐選舉咁，最近就喺網上瘋傳喇！

雖然毛毛唔知最後邊個會贏呢個比賽，但無論係咩邊個都好，毛毛都會衷心咁同佢講一聲：我真係恭喜你呀，蟹…蟹女人！

圖片來源、資料來源：uzunokuni、上海新大眾大閘蟹專門店