小丸子～又有心事～～唔怕偷偷地話你知呀，其實毛毛細個嗰陣最鍾意睇嘅卡通就係小丸子，不過成日畀人笑係女仔先睇嘅，所以先唔敢同人講咋嘛！今年小丸子有套新戲上畫，毛毛一定要狂睇，睇返夠本先得！

最近北京就搞咗個首映發佈會，搵咗一班小妹妹著白恤衫紅色裙，再戴埋頂太陽帽扮小丸子，都幾打耳㗎～不過就個個都梳孖辮，如果set返小丸子個招牌冬菇頭就perfect喇！

現埸仲有成三個花輪同學咁多，又有紳士版又有花美男版，仲有酷帥版?。Hey Baby～花輪同學明明就係白馬王子嘅化身，集三個version之大成囉！夾硬拆做三個，叫小丸子點揀好喎！

不過最搶鏡嘅，點都係主角小丸子。明明小丸子讀緊三年班㗎咋喎，點解會高到成個巨人咁嘅，仲要同花輪同學差唔多高，毛毛真係接受唔到囉…… 

其實又唔怪得晒佢嘅，唔止強國㗎，日本一樣有崩壞了嘅小丸子，腳長長又冇頸，唔怪得小丸子咁多心事啦…… 

唔好再笑小丸子喇，老老竇竇，佢未喺個口度伸隻手出嚟已經好畀面。

封面圖片、資料來源連結：國際在線、child.lv32.com、2ch、okhandsign／twitter

延伸閱讀：【霞姨！】就算收咗工，比卡超你都唔使喺個口度伸隻手出嚟㗎嘛？