每個成功減肥嘅人最期待嘅，除咗畀人讚fit咗靚咗之外，應該就係掃晒啲加大碼衫出門口嗰一刻喇！不過全部扔晒又好浪費嘅，而且可能個款仲好鍾意㗎嘛，如果可以改造成啱自己著衫就perfect喇！

有個台灣網民就喺執屋嘅時候搵到一條佢仲係個肥仔嗰陣買嘅牛仔褲喇，於是佢就本住著得唔好嘥嘅精神，拎起把鉸剪，將條長褲改做短褲喇！

大家都係手作門外漢，點知剪幾多先啱呢？只要著上條褲，喺你想要嘅長度個位mark一mark，再喺個mark 低5－7cm個位剪落去就啱喇，因為要留返啲布摺上去㗎嘛。

未完㗎，毛毛介紹得又點會只係剪短咁簡單呢？跟住就係戲肉－整爛佢喇！而家咁興破爛牛仔褲，D.I.Y.咪可以想爛邊度就爛邊度，爛幾多就爛幾多囉～首先攝張硬卡紙或者雜誌入褲管。

然後就用cutter?呀?呀?，佢仲提大家動作速度要稍快，?出嚟先有feel㗎。

?到咁上下，就將cutter打直咁撥撥撥，令到「傷口」兩邊有些少纖維棉絮。溫馨提示：大家可以用剪落嚟嘅褲腳練習下先再喺本體度整，效果自然靚啲啦～

大功告成！話都冇咁快就有條型仔新褲著喇！下次有衣物想扔，除咗捐畀慈善機構同問下身邊有冇朋友啱使之外，D.I.Y.都係一個good idea啵，最緊要係話畀人知「我自己改㗎」嗰下型吖嘛！

封面圖片、資料來源連結：dcard