唔好睇毛毛成日寸寸貢就以為我天不怕地不怕呀，其實毛毛最驚就係毛毛……蟲呀！青BB又捲下捲下咁，真係隔住個mon都覺得打晒冷震，不過面對呢條蟲仔又唔知點解覺得佢莫名地打耳，仲忍唔住睇晒成個圖集啵。

今次外國PS大神們要改圖嘅主角就係佢喇！呢條蟲仔眼大大懶係無辜嘅眼神已經夠晒萌，仲要攬實枝迷你竹葉，真係幾有喜感，好喇唔好講咁多，一齊睇下有咩精彩作品先！

第一個level！將迷你竹葉改做激光劍同武士刀都好正路吖。

有網民將打耳蟲仔改做愛麗絲喺Wonderland遇到嘅智慧老蟲，成個畫面一啲違和感都冇，直頭好似係愛麗絲插畫咁呀！

將蟲仔擺喺龍貓隔籬一齊擔遮等爸爸收工都幾有童真啵～不過畀著毛毛係次子一定嚇到瞓唔到囉。

之後情況就開始失控喇，估唔到有咁多PS大神都想睇蟲仔跳鋼管舞！這晚我熱辣辣哎呀～

聽講水獺BB覺覺豬嘅時候會乖乖咁瞓喺媽媽心口，好warm好sweet㗎～喂蟲仔你唔好以為自己有幾分可愛就可以扮水獺BB喎，陣間水獺媽媽一瞓醒以為有早餐食你就GG喇…… 

睇咗咁多張改圖，毛毛最like都係呢張啫！毛毛第一眼已經覺得條蟲仔係綠毛蟲扮㗎喇！玩咗咁耐，你都係時候返入精靈球喇下！

PsBattle: Caterpillar posing while holding a blade of grass from photoshopbattles

封面圖片、資料來源連結：reddit