拍拖嘅嘢，間唔中畀個實派對方又係幾sweet嘅！就好似呢對來自四川傳媒學院嘅小情侶咁，女朋友仔知道男朋友係Kobe Bryant嘅超級fans，於是乎夾埋男朋友嘅roommate，叫roommate帶走男朋友，等佢可以靜靜雞幫男朋友整間湖人主題宿舍房呀！一齊睇下佢間房整成點先～

嗚哇！毛毛以為個妹豬會求9其貼幾張Kobe嘅poster落去就算啦，點知佢竟然整到成間房都係湖人嘅主題顏色喎！

唔止咁，呢位妹豬仲擺咗幾張Kobe嘅相喺牆同書枱上面，就連櫈上面嘅咕?都笠咗件波衫上去?～各位Kobe迷，很想要吧？

雖然間房靚就係幾靚，但你哋都顧下其他人感受好喎……你哋叫其他roommate同Fisherman Lok見到你間咁靚嘅湖人主題房情何以堪啫！

資料來源：虎撲體育、四川高校新鮮事兒／微博