講起迪迪尼，九成人都第一時間會諗起米奇！話晒米奇都出道最耐，把聲又成個掌門人咁易認，佢認做迪迪尼大佬，都冇人敢同佢爭呀！不過古乳有暈「型到盡頭便是7」，估唔到米奇都會有畀人笑到面黃嘅一刻呀。

去到迪迪尼，最開心就係睇巡遊㗎喇！成班主角企喺車上面用大家揮手，班dancer又跳得咁落力，加埋聽到都想跟住跳舞嘅音樂，次次都會睇到好似變返小朋友咁興奮㗎！米奇最近就著埋Halloween套裝同大家見面喇！

嘩！米奇仲威風凜凜咁掀一掀佢嘅披風畀大家睇，真係好有大佬風範呀！可唔可以幫我簽個名呀米奇！！！

咦？米奇呢？明明上一秒仲揮緊手㗎喎…… 唉，一日最衰都係件披風唔聽話，擋住米奇個靚仔樣啦！而家咩面都畀佢落晒喇！不過咁，米奇話晒都係大佬嚟，應該唔會咁7嘅，可能佢練緊忍術啫！

其實披風出事，又點及得頂帽出事咁慘呀。之前有網民影到高飛同米妮對唔住米奇嘅一刻，可憐嘅米奇就只能夠默默企埋一邊親身示範MK文學入面嘅金句「我笑不表示我快樂」。唔通巡遊車上嘅米奇其實係突然諗返起呢件傷心事，所以用披風遮住自己偷偷垂淚？

せっかくカッコよくジャケットプレイしようとしたのに、結果こうなっちゃったミッキーがほんとうに愛しい pic.twitter.com/50FjCzgniQ

— 1i1 (@o00oi) September 24, 2016

封面圖片、資料來源連結：o00oi／twitter、S_l_0_N／twitter

延伸閱讀：【帽事嘅】高飛同米妮做咩背住米奇做啲咁嘅嘢呀？！