自己一個搬咗出嚟住之後，無論係洗衫煮飯定係執屋，都只可以靠自己！有時仲可能要同包租公／婆單挑?喎！台灣有個網民就遇上一個神一般嘅包租婆喇！

是咁的，話說呢個網友想洗部洗衣機，就諗住問下包租婆會唔會有洗衣機清潔劑，有就借嚟使下咁啦。咁呢個包租婆亦都好大方，你要，咪畀你囉！

點知當個網民興高采烈咁去到部洗衣機旁邊嘅時候先發現，包你個租，呢盒表面上係洗衣機清潔劑嘅東東，其實係一副啤牌……

阿包租婆你真係幽默喇，幻覺嚟嘅啫，嚇我唔到嘅！呢盒嘢肯肯定係最新型嘅洗衣機清潔劑，只要你出副同花順，咁就可以召喚到神龍出嚟實現願望，到時咪可以叫佢幫手洗部洗衣機囉！應該係，除非唔係，55。

圖片來源、資料來源：Alex Su