老竇老母成日都問，點解你讀＿科，但又唔做返嗰行，咁你讀嚟做乜呀？毛毛想同佢哋講，喺大學學到呢幾樣嘢都已經夠用啦！

1. 【唔好相信所有電子產品】

電腦真係好蠱惑㗎，平時睇落正正常常，但喺重要時候成日都陰9你。

當你好辛苦做完成萬字既論文，就會毫無徵兆咁突然死機，最絕望嘅係你仲未趕得切撳個「save」。

有時做present嗰陣，懶得帶部電腦返學，唯有入落手指到啦。到自己個組時，出到去開返個file，輕則錯晒格式，重則不斷抽插都冇反應。除咗手指之外，有人就鍾意send畀自己，但成＿日都係開唔到，又或者唔記得加附件，諗住叫老母send多次，點知佢仲心急過你，搵極都搵唔到開機個掣。

正所謂「經一事、蔡一智」，畀電腦跣咗咁多獲，你連蔡一傑都經歷埋，唔會再輕易相信電子產品。

2.【所有美好嘅事都係幻覺 】

由一個中學雞變做大學生，點都會FF下自己大學嘅生活會有幾精彩。放完JUPAS，去大學reg day，見到個個都咁熱情，又叫你報ocamp，又叫你上佢哋間莊房坐下傾下偈，你以為大學生活就係咁美好。

點知返咗第一個月，你已經踏入自我頹廢模式，每日嘅固定路線就係：返學－返Hall，完！諗住好似睇戲咁，身邊有成班FD子，但現實中只係識得幾個做過project嘅同學仔。去到畢業禮，得幾個朋友搵你影相，諗返起真係「天真得只有你」。

踏入社會時，你知所有嘢都唔係咁美好，就唔會輕易就畀HR姐姐呃到，唔會信公司真係會出雙糧，唔會信公司真係會聽你意見，就算老細嗌你「阿仔」，你都知佢唔係當你係仔或者係人。冇幻想就冇失望，所以你可以比人更快適應。

3. 【不要去羨慕不要去妒忌】

入到大學識咗新朋友，大家都係A0，一齊言之鑿鑿話大學畢業前一定要出pool，點知人哋真係做到，留低你一個喺孤獨嘅大海之中。大家一齊走堂，做project又做free-rider，但人哋最後都可以爆到四；明明佢GPA低過你，但而家月入三萬，但你就得嗰萬三。

經過好多種不如意，你知道好多嘢都係唔公平㗎，吹咩！

返工有同事唔做嘢，淨係擦老細鞋都升得快過你，或者明明係新入職，大家條件一樣，但人工又高過你。對於所有嘅唔公平，你已經可以輕輕咁講一句「關我L事呀」。

「點解你讀嗰科，但又唔做返嗰行，咁你讀嚟做乜呀？」

明白咗呢幾個道理，你可以同老竇老母講，唔關事又點喎！我學到嘅，係人生呀！