開講有話，毒品呢樣嘢係不可一、不可再嘅，作為毛記第一乖寶寶，毛毛當然絕對唔會掂毒品呢家嘢啦！不過咁，唔係人人都好似毛毛咁乖㗎嘛，最近就竟然有台灣網民發現台北一間藥房寫明店內有毒品賣？聽講販毒喺台灣最高可以判死刑或終身監禁㗎喎……呢間藥房又會明張目膽到咁都有嘅？

喂，賣毒品還賣毒品，你張poster使唔使咁大張先？

不過抹乾淨啲眼sss睇真啲，原來佢唔係話本店有售安非他命乜乜乜，佢係話本店有售安非他命乜乜乜……嘅檢驗試紙呀！嘩，真係好彩毛毛摩擦力夠強先睇到張poster最底原來仲有4隻字……唉，你又係嘅，「檢驗試紙」4隻字已經唔顯眼㗎啦，你仲要搵啲貨遮鬼住佢?，真係想玩爆大家個腎咩！

計毛毛話，如果唔想造成呢個咁唔美麗嘅誤會嘅話，應該學之前班日本網民咁，搵福山個樣圍住你想人哋留意到嘅地方！嗱，福山靚仔到咁，冇人睇唔到「檢驗試紙」4隻字喇掛？

資料來源：Kai Chen‎／●【爆廢公社二館】●