歌都有得你唱啦，毛髮可修飾的一對手，帶出溫暖永遠在背後～雖然阿媽雙手望落乾淨，但其實暗藏咗好多絕技㗎！洗衫洗碗煮飯n咁多樣功夫，樣樣都搞得掂，你估好似毛毛呢啲廢青咁，對手淨係識得用嚟打…機咩！唉唔好講衰嘢住喇，話說呢個日本媽媽都有一對神手！事關佢竟然織咗成架坦克車出嚟呀！

唔好問毛毛，毛毛連織一塊平面嘅布仔都唔識，呢架立體到唔立體嘅坦克車係點樣變出嚟，毛毛真係睇唔透。而且呢嚿嘢唔係淨係得個擺字㗎，除咗個車頂落嚟之後你就會發現，其實佢係一個紙巾盒！

重點都唔係呢樣，各位熟悉日本動漫文化嘅毒L們應該都認得，呢架坦克車其實係動畫《少女與戰車》入面架戰車嚟㗎！

你話喇你話喇，一個熱愛動漫嘅阿媽去邊度搵！諗起可以同阿媽一齊睇動畫真係開都心埋，仲收唔收契仔呀喂～～～

圖片來源、資料來源：Cellmonmon／twitter