多數人對日本壽司師傅嘅印象都係專業、有性格，所以去到日本，約咗壽司店幾點就幾點，唔敢遲到，食「師傅發板」就會信晒佢，師傅整咩就食咩，以示對師傅同食材嘅尊重。

不過最近日本流傳話大阪有壽司店一見到韓國同強國客人，就會勁落Wasabi畀佢哋，唔通係想大整蠱，辣到佢哋飛起？

食壽司落少少Wasabi係幾過癮嘅，聽講仲可以殺一殺菌，不過落到好似成塊魚生咁多就真係隔住個mon都覺得攻鼻囉。

辣辣壽司邊個食！冇人食！冇人食！有韓國遊客仲特登寫英文叫大家唔好幫襯呢間壽司店?呀。雖然壽司店後來已經出咗道歉聲明，不過睇嚟佢盤生意都凍過水喇……唯有希望大結局完又復活又大結局又復活無限loop嘅掌門人搵佢一齊做節目啦。

封面圖片、資料來源連結： tanteiwatch、朝日新聞