從來只有主子無視剷sss官，唔會有人夠膽嬲主子嘅，但最近日本竟然瘋傳呢張貓星人畀人類罰嘅相？咁咪全街都知主子失霸氣囉！邊個咁大嘅膽！

慘慘豬咯，要著住件爛鬼膠袋衫不特止，上面仲要畀人貼咗張紙寫住：我倒瀉咗船長兜烏冬，而家畀人罰緊。

哎呀，乜奴才你咁小器㗎！幾條烏冬咋嘛，你唔係咁都嬲呀？而且話時話，主子先好似係呢架船嘅揸fit人喎！你睇下佢，有船長帽㗎！人類都係煙幕嚟㗎咋！

個樣生到咁鬼可愛，唔好話船長啦，你想統治晒成個地球都得呀主子！

圖片來源、資料來源：captainKanpachi／twitter