動物節目，毛毛細細個就睇過喇，唔係講緊跑馬同魚樂無窮呀，以為媽媽成日開非洲動物特輯畀毛毛睇，想我聽多啲英文，不過嚟嚟去去都影啲動物喺草原跑嚟跑去，一係就影住個天空播快鏡，真係好悶囉…… 

如果非洲動物特輯好似呢個攝影大賽咁搞笑就好喇！外國有個野生動物保育組織搞咗個搞笑野生動物攝影大賽，希望透過呢啲作品提高大家對保護環境同動物嘅關注，一齊嚟睇下啲精彩作品s先啦！

一邊撩鼻屎一邊使出朝偉型嘅眼神，睇嚟猩爺今次有備而嚟啵。

鹿仔對於猩爺畀人影低採青醜態都仲懵然不知表示冇眼睇。

人有低頭族，估唔到企鵝都一樣有，不過就唔係向前低，而係向後低啫。

企鵝仔唔識世界，表示就算頭已側都睇唔明兩隻冇頭大企鵝搞緊乜。

做好人未必有好報，做好牛借個頭畀雀雀歇腳都唔一定有好下場…… 

豹哥呢個樣為我哋完美示範聽到「聽日星期一」呢句鬼故嘅反應。

相信大家睇到呢度，可能都好似佢哋咁笑到失晒儀態，不過咁，笑甚麼笑！畜牲！小心你一陣都畀人影低呀！

封面圖片、資料來源連結：Comedy Wildlife Photography Awards