小強，一種擁有億萬年演化歷史嘅昆蟲，憑住佢打不死嘅無賴精神，成功得到「地上最強生物」嘅美譽！不過，原來生命力咁強嘅小強都會有生存唔到嘅時候？

早前有日媒就指出，北海道因為氣候關係，小強好難喺嗰度生存，所以小強喺北海道出現嘅機率係近乎0呀！所以最近有日本電視台就特登拎咗幾隻生勾勾嘅小強去做街訪，睇下北海道市民見到小強會有咩反應。

平時啲妹豬如果見到小強實會尖叫加暴走，而呢三位學生妹竟然話覺得冇乜嘢？

呢兩位妹豬就仲勁?，佢哋見到小強反應淡定之餘，仲對佢哋好有興趣喎！你哋見呢兩位妹豬幾專心咁觀察就知啦～

好彩呢兩位哥仔都唔弱，佢哋一見到隻小強就問可唔可以影相。

另外，亦都有第一次見小強嘅路人問，呢隻係唔係獨角仙嚟㗎？

唔知點解，睇到呢幾位北海道市民見到小強嘅反應，毛毛突然有少少傷感……冇咩嘅話，毛毛都係返出去殺牠死先。

資料來源：gensen_yofukasi／twitter

延伸閱讀：【唔使用劍】小強咋嘛，使唔使用紙碟封印住佢咁大陣仗呀？