記得細細個睇《千與千尋》嗰陣，毛毛最驚就係湯婆婆㗎喇！個頭大過砂煲不特止，仲要成日恰千尋，真係成個壞人咁呀！點知最近居然有台灣網民喺馬路度野生捕獲到湯婆婆？

唔L係啩，邊度嚟咁大個湯婆婆隨街走呀？仲要識揸電單車？嚇毛毛唔到嘅，一定係幻覺嚟！行前啲睇下先！

撞鬼你咩！好哋哋做咩頂住個洋蔥周街走呀！差啲搞到毛毛個童年陰影出返嚟呀！不過呢個網友都有澄清返，話個洋蔥其實係學校迎新活動嘅道具嚟，架車又冇位擺，咪惟有頂住佢通街走囉！仲連頭盔都慳返?！

照咁睇，唔通呢位搵個頭頂住棵草嘅人兄又係冇位放道具？

不過又要威都要戴返個適合嘅頭盔嘅，你睇下你，轉個頭就畀人捉咗喇：

大家有冇見過行路草畀警察拉？毛毛見過，真係見過。

圖片來源、資料來源：Dcard、爆料公社