有睇開《One Piece》嘅都知羅係邊個，之但係，你哋又知唔知羅嘅生日係幾時吖？嗱，唔知就等毛毛話你哋知啦！就係今日10月6日呀！而有位日本pancake高手知道今日係羅嘅生日之後，都話要煎件靚pancake嚟賀一賀佢喎！一齊睇下～

喂，又話靚pancake嘅？呢pat嘢毛毛合埋三隻眼都煎到喎，邊L度靚呀？

毛毛仲以為佢個pancake冇料到，點知呢位高手用鑊鏟一反，件pancake就100％還原咗羅個樣出嚟喇！話時話，呢個阿羅個樣咁靚，啲detail位又出晒嚟喎，你肯肯定唔係煎完個pancake再用marker畫上去？

雖然阿羅真係靚到好似畫出嚟咁呀，但呢個阿羅真係由呢位高手用慢慢、慢慢咁煎出嚟㗎！而呢位高手除咗羅之外，仲煎過唔少令人唔捨得食嘅pancake……例如呢隻傻鴨啦。

嗚哇！又食得又睇得，你玩晒啦？

資料來源：LaRicetta99／twitter

回帶：【神之手】啲pancake靚到好似喺漫畫走出嚟咁！

延伸閱讀：【神之手】想煎傻鴨pancake？其實唔難吖！