2016年10月06日 星期四
【創意求職法】放resume喺盒冬甩度 然後再扮速遞員送盒嘢去公司？
老老77，搵工嗰陣最驚係咩？之唔係冇回音囉！而有位來自美國嘅後生仔Lukas Yla為咗確保腦細睇到自己份resume，佢竟然將自己份resume放入一盒冬甩度，然後再假扮成速遞員，將盒內藏resume嘅冬甩送去想apply嗰間公司度喎……嘩！呢個方法真係係你先諗到喎！
唔止咁，佢仲出口術，寫咗句「好多resume最後會畀人抌落垃圾桶，但我嗰份就會係你個肚度」喺個盒冬甩度。
聽講佢仲因為呢個冬甩送resume大法成功收到10個面試通知！吖，唔知佢而家係咪已經搵到份自己想做嘅工呢？
btw，雖然毛毛就唔知呢位哥仔搵到工未，但計毛毛話，呢位哥仔扮速遞員扮得咁叻，不如真係搵份速遞員嘅工做好過啦！55。
資料來源：thexnextweb
