喺女人嘅心目中，男人就好似永遠都唔會做家務咁。其實唔係我哋唔做，而係…唔識做啫！

話說台灣有個人妻見攰，咪諗住叫老公幫手將洗衣機入面啲衫拎出嚟曬囉！佢臨瞓前再同老公double confirm多次，嗰陣時老公仲拍晒心口話冇問題㗎！點知第二朝一起身就見到……

個老公將啲衫舖晒喺部洗衣機上面就當係曬衫呀…咁又冇錯喎，佢老婆叫佢曬衫又冇話要喺邊度曬，而家只不過係少咗啲風、又冇陽光，啲衫難乾啲咋嘛！畀一個月時間佢啦，應該一個月後就會乾㗎喇！……如果個老婆仲未發嬲，個男人仲有命睇到啲衫乾嘅話。你知啦，古乳有暈，寧得罪小人，莫得罪女人吖嘛！女人發起惡上嚟分分鐘會世界末日呀！

好似呢個人妻咁，佢就係同老公鬧完交，嬲得濟一嘢剪咗老公…件衫呀！

不過佢咁好手工，仲可以將老公件衫變做阿仔嘅新衫，咁知慳識儉，做老公嘅又點捨得嬲佢喎！其實講真吖，男人都應該要學下點做家務啦，邊可以叫晒女人做㗎！至少激嬲咗老婆都可以自己搞掂吖嘛，是咪？

圖片來源、資料來源：guessmic／PTT