最近，有強國網民喺參觀山西太原動物園期間，發現園內嘅熊貓館遍地都係遊客留低嘅垃圾，而其中一隻熊貓「舜舜」仲唔小心執咗呢啲垃圾嚟食?！下，唔係咁過份呀嘛？等毛毛即刻同大家睇下！

嘩！個地下又氣球又水樽又包裝紙呀咁，點住得熊貓㗎？乜冇職員清理垃圾同阻止遊客抌垃圾㗎咩？啲熊貓唔小心吞咗啲垃圾落肚都唔知會唔會影響健康?㗎……

另外，當呢位網民想搵職員幫手嘅時候，竟然連一位職員都搵唔到？搞到呢位網民都嬲到話「太原動物園不配擁有大熊貓」呀！

而太原動物園事後都承認熊貓真係有食過垃圾，但熊貓經檢查後，證實身體狀況良好，冇異常情況出現。佢哋仲話，雖然兩位飼養員同兩位保安已經不斷巡視同阻止遊客餵食，但由於當時熊貓館遊客有成15000人咁多，加上啲遊客不斷將自己帶嚟嘅零食餵畀熊貓食，所以先造成今次事件喎。

any肥，唔理係遊客定動物園都好，兩邊都有責任。畀返少少公德心同責任心嚟睇下啦好嗎？

資料來源：愛滾滾喲／微博