整嘢食唔一定要整九大簋呀同佛跳牆呢啲先叫有心思嘅，其實有時只要你花少少創意，用好簡單嘅食材都可以整到好特別嘅料理㗎。就好似早前呢個雞仔麵包咁，只係加咗兩粒黑芝麻同兩粒粟米咋嘛，咁就將本來平平無奇嘅麵包變到而家咁得意喇喎！

而繼呢個雞仔麵包之後，有位日本媽媽都整咗一樣咁得意嘅雞仔獅子狗：

你哋唔好以為整呢味雞仔獅子狗好易、撳個掣就有呀，其實呢味餸都好多步驟㗎～首先你要將啲獅子狗切件，然後再煮熟啲獅子狗同粟米粒，跟住仲要放啲粟米粒同黑芝麻落去，最後仲要醬汁扮埋佢哋個面豬登喎……嗱，呢啲咪粒粒皆辛苦囉！

另外，除咗雞仔系列之外，其實整大蛇茄子系列都唔錯㗎～

btw，可能有人會覺得「食落肚咪又係一9樣」，但對一個小朋友嚟講，見到呢啲咁打耳嘅嘢食就係開心仔㗎啦！心意嘅嘢，你哋識條鐵咩！

資料來源：twicolle.com、kawabe_kon／twitter、ailsato／twitter

延伸閱讀：【巧打耳】雞仔麵包焗完個樣竟然......