去去武器走！自從小學嘅時候睇過第一次哈利波特，毛毛就成日FF自己係哈利波特，無啦啦會有日生條閃電疤痕出嚟，或者原來係個未啟發潛能嘅奇材喇……台灣有個16歲學生睇嚟都同毛毛一樣咁沉迷神秘嘅魔法世界啵！

呢個後生仔話自己有學習巫術魔法，仲會隨身帶住一隻毛蜘蛛，可能人人聽到都會嚇一跳，然後得啖笑囉，不過如果睇到佢呢本自製嘅奇幻魔法書，就一定會信佢係講真㗎喇！

奇幻魔法書入面寫滿密密麻麻嘅符號同咒語，有疑似古希臘文又有中文，西方style又有，中式style嘅先天易數、天師神符都有！唔知有冇江南style呢下？

唔知古靈精怪嘅人係咪特別有藝術天分㗎呢？佢仲畫咗啲好似希臘神話人物嘅公仔喺魔法書上面呀，唔通係佢夢見過嘅人物？！

除咗咁，呢本自製魔法書入面仲有啲神秘儀式嘅畫，睇得明佢寫咩都好啲呀，愈唔明愈講得心驚驚…… Between，呢個同學仔係咪諗住學識魔法就可以識到妙麗咁叻咁靚嘅女仔先？

封面圖片、資料來源連結：方弘凱／爆廢公社