香港土地問題嚴重，唔好話單位啦，想話搵個車位仲難過叫腦細加人工呀！所以咪搞到好多人寧願拋個身出嚟，死都要霸住個車位囉！

好似之前同大家講過嘅呢個大媽咁，為咗霸住個車位等遲嚟嘅friend子有位可泊，居然得正正喺條馬路度，就算隔籬有車駛過佢都完全郁都唔郁下，幾有霸氣呀！

其實想霸車位啫，唔使拋埋個身出嚟嘅！跟呢個強國同胞學下嘢啦！

用白菜嚟劃車位你見過未？毛毛見過，真係見過。呢個位於長春嘅車位最近喺網上面爆紅，好多網友睇完啲相之後都話咁做怕唔怕會整污糟啲白菜。計毛毛話，冇所謂啦～反正啲白菜本身都唔係乾淨㗎啦！（應該係，除非唔係）

仲可以順個靚便曬埋白菜，一舉兩得嘅嘢你識啲咩吖！呢啲咪就係所謂嘅綠色生活囉！唔知佢哋放完啲菜之後會唔會喺旁邊放低幾両金施肥呢下～

圖片來源、資料來源：微博