如果要揀一個人類最強宿敵，冇得傾，小強一定係排第一！毛毛仲記得細細個嗰陣，有隻飛曱甴兜口兜面咁飛埋嚟，嗰一刻毛毛真係有一種見到火星異種嘅感覺，仲差啲以為自己會死?呀！

不過毛毛相信自己not a 窿㗎！呢個世界肯肯定仲有好多人對小強有陰影！好似呢個日本網友咁，咪一樣驚到要搵隻紙碟封印小強～

仲要搵埋啲膠紙封死個碟邊，等隻小強缺氧而死，呢招真係絕呀下！

不過毛毛最近發現呢招封印大法又有進化版，冇錯！就係小強魔鏡號喇！

由紙碟變咗做透明嘅膠盤先封住佢，咪可以更加清楚咁見到佢點死囉！換個角度睇，當係藝術裝置都得喎！好，一於就同你鬥長命！

圖片來源、資料來源：t29593339／PTT