毛毛聽唔少人講過，話自己好想養寵物，但無奈因為對貓毛狗毛敏感，所以要忍痛放棄同毛孩相處嘅機會。其實會過敏，可能都係因為未遇上命中注定嘅另一半（毛孩）啫！

好似呢個外國女人咁，佢本身都好鍾意貓，好想喺屋企養返隻㗎！但因為自己天生對貓毛過敏，所以一直都同喵星人無緣。直到佢喺車房度遇上呢隻流浪貓，奇跡一刻出現喇！

有嚴重過敏嘅佢，對住呢隻貓居然咩事都冇喎！原本佢都怕呢隻貓咁痴人，會唔會係其他鄰居養嘅呢？但後來問過晒啲鄰居，個個都話呢隻貓係冇人養。與其喺街度流浪，不如就帶佢返屋企做主子啦！

就係咁，呢個女人就做咗一年貓奴喇！喺呢一年間唔單止咩過敏反應都冇，仲同主子相處得好好?！而主子自己亦都搖身一變，變成咗隻靚貓喇！

估唔到主子嘅威力強到連過敏都醫返好！呢啲咪就係愛嘅力量囉哈利！

圖片來源、資料來源：lovemeow