唔想年年生日都happy birthday to me？其實唔難吖，如果你可以變做《網球王子》入面嘅手塚國光嘅話。話說，最近有位日本女網民知道10月7日係手塚部長嘅生日，所以專程買咗件蛋糕同酒嚟慶祝，場面仲好sweet好溫馨，結果呢張sweet到爆嘅生日相咪畀網民喪瘋傳囉～而家等毛毛同大家睇下呢張相到底有幾閃先！

咦喂，估唔到部長除咗揸球拍叻之外，連揸酒杯都咁叻㗎喎～cheers！

而除咗蛋糕同酒之外，呢位網民仲準備咗鰻魚茶漬飯～（弱弱一問，乜部長唔係鍾意食生牛肉㗎咩？）

any肥，更閃嘅係，其實呢位網民已經唔係第一年同手塚國光過生日㗎喇……你哋睇下，上年同上上年嘅10月7日，呢位網民都有同佢慶祝生日㗎！

btw，可能喺你哋眼中咁樣係毒，毛毛睇到嘅……係真愛呀！等毛毛都即刻上網check下娜美幾時生日，然後同佢過返個甜蜜生日先～

資料來源：wkn_ke4／twitter