小學雞毛聊IQ題，有乜嘢會係愈洗愈污糟㗎呢？答案係……水呀！雖然毛毛都知道啲水洗完其他嘢之後會愈嚟愈污糟，但毛毛冇諗過係污糟到呢個程度囉！你夠膽同毛毛講呢兜係洗完衫嘅水，而唔係血水／顏料／醋／辣椒油？

話說，最近有台灣網民喺洗件靚靚名牌衫嘅時候，竟然發現件衫甩色甩到咁樣樣喎，唔止搞到成盆水好似血水咁，仲搞到個廁所成個兇案現場咁?！嗱嗱嗱，你哋睇下，唔講真係以為個桶入面裝住個內臟呀陰公！

不過樂觀啲睇，好彩呢位網民係洗衫嗰陣發現件衫甩色，而唔係落狗屎嗰陣先發現件衫甩色吖，如果唔係到時就真係嚇死街坊但街坊不說了。

資料來源：陳田勻／爆廢公社

延伸閱讀：洗下條黑色褲啫，使唔使搞到盆水咁樣樣呀？