2016年10月09日 星期日
【世界將我包圍】咁鍾意一架車泊兩個車位，而家你可以慢慢泊啦！
俗乳有暈，冇咁大個頭就唔好戴咁大頂帽。你睇下你，冇咁大架車走去泊咁大個車位似咩樣？細車泊大車位已經夠衰㗎啦，你仲要泊成兩個車位咁惡?！唉，所以而家咪搞到世界將你包圍囉……
話說，最近有台灣網民見到一架私家車泊咗喺兩個大車位嘅中間，搞到架捐血巴士駛到入嚟都唔知泊喺邊好，於是架捐血巴士咪就咁泊喺度囉……雖然最後架私家車畀啲捐血巴士圍住晒出唔到嚟，但諗深一層，其實比咁多架捐血巴士圍住都幾威吖！起碼人哋想偷你架車都唔係咁易偷到先吖嘛，係咪？
再講吖，其實畀巴士圍住又點，之前香港有架偷泊喺地盤工地嘅車畀人搵巨石陣封住?啦。
呢個故事教訓大家，嘢可以亂食，但車真係唔好亂泊！如果唔係，就會好似呢幾位車主咁㗎喇！
資料來源：喬喬兒／爆廢公社、Tengo Cheng／香港突發事故報料區
泊泊泊系列：
