喵星人身為宇宙嘅統治者，自然全天下都係屬於佢哋㗎啦！所以佢哋微服出巡嗰陣鍾意周街坐就坐，瞓就瞓都係一件好合理嘅事嚟。

不過有時有啲唔識do嘅人類會設置陷阱，以為咁樣就可以避開到主子喎！實在太自以為是喇！

毛毛只能講句，人類你真係太天真了！我唔直接答，用例子嚟答你：

話說日本有住戶嘅冷氣機上面放咗啲刺喺度，以為咁樣就可以趕走貓貓，唔畀佢哋喺上面休息。點知有網民行過就發現，咦喂呢隻喵星人照坐嘅？個patpat係咪咁厚肉呀？

原來主子佢係坐咗喺嗰個惟一冇放刺刺嘅0.001平方毫米空間度，仲氣定神閒咁望住愚蠢嘅人類?呀！呢個故事教訓大家，冇咩事都係唔好抵擋喵星人嘅威力喇，我哋都係唔夠佢哋玩㗎喇，55。

圖片來源、資料來源：kilikduel／twitter