咁多位黑暗料理嘅高手，仲喺度煩惱緊點解整極嘢食都係整到成pat屎出嚟？其實做人正能量啲，換個角度睇咪冇事囉！

講緊嘅係呢個諗住整Brownie嘅台灣網民呀！佢見個網上教學好似幾簡單咁，淨係加蛋同榛子醬就搞掂，咪諗住跟住做囉！毛毛9估，嗰陣時嘅佢心入面應該係以為自己會整成咁：

點知原來呢個網友唔係普通人嚟！事關佢竟然…竟然整咗朵靈芝出嚟呀！

真係失敬晒，唔講唔知原來呢位網友係再世華陀！靈芝都整到出嚟，呢個世界仲有咩嘢難到佢？不過另一位網友都唔弱㗎！登登登櫈，佢嘅參賽作品就係：史前化石！

你話喇你話喇，邊估到整整下嘢食都可以發掘到自己原來有做考古學家嘅潛能吖！所以話咁多位黑暗料理嘅高手唔使灰心㗎！其實你哋個個都係可造之材！只不過煮嘢食方面呢…就呢…

圖片來源、資料來源：liberte／ptt