咁多位男朋友，拍拖嚟講，最驚嘅係咩？女朋友發脾四？唔係。女朋友迫你同佢班好姊妹食飯？唔係。女朋友嚟M？都唔係！開估啦，係喺毫無準備嘅情況下撞到一個人！呢個人唔係你或者佢個ex，而係佢－老－竇！

話說小白女同小黃仔係一對小情侶，不過小白女家教好嚴，屋企驚佢未成年就拍拖會畀男仔呃，又驚佢會唔專心讀書，所以唔畀佢自己出街街。

真愛又點會畀一道鐵欄隔得開呢？小白女會趁屋企人返咗工嘅時候，偷偷地同佢darling小黃仔見面，雖然隔住道閘，冇得嚟個熱情擁抱，不過正所謂your every smile 都會帶畀我難忘嘅回憶，單係見下面都已經覺得好幸福，真係兩小無猜。

可惜開心嘅時間過得特別快，今日咁啱屯門公路冇塞車，一條順暢嘅公路，加上一個歸心似箭嘅打工仔，令到小白女老竇早咗5分鐘返到屋企，撞破咗呢對小情侶幾分鐘的約會呀！雖然睇唔到小黃仔個樣，不過見到佢打晒冷震嘅背影，都feel到佢個心幾虛… 估唔到your every smile 之後，會係世伯親切嘅問候。

不過咁，撞到世伯好慘咩，都好過單身狗連想Hi Uncle都冇得Hi呀…… 

封面圖片、資料來源連結：鹹魚般的冰寶／微博、 秋意超人／微博

睇埋：【情何以堪】你哋啲情侶有冇諗過單身狗感受…