香港人之所以鍾意食車仔麵，唔係貪佢好味，而係貪佢多味。同樣道理，香港人做咩都最緊要方便快捷得嚟又夠多玩法。
只要你跟足以下衣食住行指南，除非你買菲X蒲或利X浦，否則你以後生活必定好：

1 衣

你必須要有：手機

備註：要裝滿社交App

平時搵埋搵埋先得雞碎咁多，但買衫呢家嘢又唔少得，呢個時候你只需要拎起部電話，然後冥想十秒鐘，諗下有咩FD子（或兵仔）做Sale屎，再嚟個破冰轉身搵佢R水吹順便R埋折（記得講明你唔係Sell保險）。

注意：只限靚女

2 食

你必須要有：多功能電熱鍋

備註： 一定要揀元氣紅

今時今日嘅廚房必需品經已唔係得柴米油鹽醬醋茶，仲要有一個出得廳堂入得廚房嘅多功能電熱鍋，煎炒煮炸乜7都得，配多支奧樂蜜C就Perfect池。

注意：而家買滿6支奧樂蜜C就有得抽Bruno多功能電熱鍋

3 住

你必須要有：會所

備註：豪宅同偽豪宅先有

如果使成幾百萬買樓，都只係住佢個百幾呎連廁所門都關唔埋嘅單位，非免太傻西瓜。由今日起，無論睇報紙睇碟裝水甚至沖涼，都落會所搞掂佢，一個月慳唔少。

注意：你買得起樓先算

4 行

你必須要有：男朋友／兵

備註：有佢就可以集齊埋以上三項

根據娘娘兵法所記載，最方便嘅代步方法，唔係Call的士，而係Call騎兵；如果佢唔單止係騎兵，仲係你男朋友嘅話，咁就代表你可以畢業下山喇，因為無論係想買衫、買多功能電熱鍋、住豪宅定係搵車代步，都可以幫你搞掂晒。

注意：必須要係富二代