吉卜力動畫，毛毛細細個就睇過啦！個個女主角都眼大大面圓圓，仲又勇敢又善良，如果可以識到佢哋就好喇…… 最近日本搞咗個投票，畀大家選出心目中嘅最理想女友，唔知第一名會係邊個呢？！

第六位－《幽靈公主》小桑，5.9％。

睇得又打得，同佢出街一定唔會畀人蝦呀！

第五位－《千與千尋》千尋，10.9％。

想決心減肥嘅朋友可以考慮下千尋啵，一聽到佢叫你唔好食咁肥，因住會變豬畀人食咗，即刻驚到咩胃口都冇晒！

第四位－《夢幻街少女》月島雫，14.9％。

呢期咁興文青，揀阿雫就啱晒啦，阿雫同男主角天澤聖司因為圖書館借書卡上面嘅名而留意到對方，真係諗下都覺得好有初戀feel。

雙亞軍－《天空之城》Shita、《風之谷》Nausicaa，17.8％。

Shita就有鄰家女孩feel，小木蘭就夠有型，55，why not both？

第一位－《魔女宅急便》琪琪，20.8％。

而家車費咁貴，同琪琪出街只要用掃把就可以飛上天，加上琪琪係小巫女，淨係著條黑色裙就得，唔使陪佢shopping又唔使買名牌手袋畀佢，年中慳埋唔少呀，唔怪得咁多男仔鍾意佢啦！

唔知有冇得投選我最想佢做男朋友嘅角色呢，如果有嘅話，毛毛一定all in 《千與千尋》嘅塔矢亮！呀唔係！白龍先啱！

封面圖片、資料來源連結：news.merumo.ne.jp

【吉卜力系列】

【吉卜力動畫總選結果】《千與千尋》會喺日本再上畫呀！

吉卜力覆網民問《千與千尋》隱喻：要拒絕被豬同化！