你哋班後生成日笑大媽老套，其實佢哋不知幾識保養自己，食飽飯就同班好姊妹落公園跳下舞、打下羽毛球郁動下，咁先可以藥箱都變成首飾箱㗎嘛！

喺FaceBook page「名校 Secrets」就有同學仔話喺葵涌運動場個公園見到幾個大媽同運動場職員拎住把鋸，對住棵樹揮嚟揮去喇。唔通打波都已經滿足唔到大媽們對體態嘅追求，要揮鋸先夠大運動量？！同學仔話本身以為佢哋只係想用個鋸撩返卡住喺樹上嘅羽毛球落嚟，點知原來佢哋係鋸緊樹呀！

同學仔話本阻止都嚟唔切，當時已經有三份一嘅樹鋸咗落嚟，而大媽們就開開心心咁繼續打波喇！原本棵樹阻住大媽打波，而家解決咗棵樹，問題就自然唔存在啦！

之前有大媽喺機場善用等飛機嘅時間打羽毛球，但就畀班廢青笑佢哋失禮，而家人哋努力鋸樹都係為咗可以繼續喺公園打，唔使去機場阻住你班廢青咋，仲唔感恩！

封面圖片、資料來源連結：名校 Secrets

睇埋：【土地問題】趁等緊飛機，打返場friendly先