2016年10月12日 星期三
【天才小畫家】畫張咁嘅圖就叫我照住買衫？！
做兄弟嘅，有今生冇來世，唔好以為男人先有咁情深義重嘅兄弟情呀，女仔之間嘅姊妹情都一樣兩脇插刀在所不惜！失戀即刻出嚟唱K、畀佢借嚟過橋呃媽咪都濕濕碎啦，最緊要係行街嘅時候唔介意幫你買衫呀嘛！
台灣有個網民就話佢個好姊妹叫佢幫手去夜市買件衫喇。咁好感情，又咁好口，梗係冇問題啦～不過冇相冇偈傾，成個士林咁多衫，就算幾了解你都唔知邊件先啱你心水啦？
好彩好姊妹畫咗張圖叫佢照住買啫！雖然只係買上身衫，不過都畫埋下身條裙仔同個model樣，咁好畫功，肯肯定買到啦！一件單邊墊膊、右手五分袖、左手七分袖嘅秋裝吖嘛，easy job啦！
畫得咁似，目標咁明確咪算易買囉，之前呢個網民畀老竇叫佢幫手買染髮劑，但又唔講咩牌子，淨係話包裝盒上面有個女人頭喎…… 唔知印住女人頭嘅染髮劑多啲吖，定老竇啲頭髮多啲呢？
封面圖片、資料來源連結：dcard、jerry789789／PTT
