2016年10月12日 星期三
【貪心的小狗】當場斷正，今次你冇得唔認係你摷垃圾桶啦！
吖，點解個垃圾桶又畀人摷到亂晒㗎呢？唔通啲垃圾有腳識得自己走出嚟？
話說，最近有台灣網民就話自己屋企個垃圾桶成日都有畀人摷過嘅痕跡，而當呢位網民每次問到屋企隻狗狗係咪佢做嘅時候，狗狗都擺出一副「關我L事」嘅樣。不過到咗今時今日，呢隻狗狗終於冇得唔認罪喇……
你哋睇下，佢竟然摷垃圾桶摷到將個垃圾桶蓋笠住咗自己條頸喎！嗱，今次大大個垃圾桶蓋做證，冇得你抵賴啦！btw，你唔好諗住賣下萌又甩身呀，毛毛受硬唔受軟㗎……
而天下曳豬何奇多，講到恃住自己得意就做曳曳豬嘅又點止呢隻鍾意摷垃圾桶嘅狗狗吖，之前呢隻利用自己身高優勢逃票嘅日本狗狗咪仲過份！
老老77，做狗可以恃cute行兇，咁唔知做單身狗又可唔可以恃毒行兇呢？
