每日毛毛收工嗰刻都會喺度諗，有陣時真係做狗好過做人，狗都冇我咁攰呀！好似呢隻住喺日本嘅柴犬咁，佢過嘅生活歎到呢！

唔單止咁呀，佢仲年紀輕輕已經上樓，如果狗界有得選傑青嘅話，呢隻狗肯肯定贏硬呀！話口未完，佢就即刻示範咩叫做堅﹒上樓畀你睇喇！

搞咩有狗屋唔瞓，要走上去屋頂度坐呀？唔通你真係以為自己係Snoopy，喺度思考緊世事？

佢主人都話唔知點解，明明呢一秒仲見到佢喺狗屋入面瞓緊覺，下一秒就見到佢走咗上屋頂度冥想喇。老老竇竇，阿柴你捉到個屋頂咁實，到底喺度堅持緊啲乜嘢呀？得喇知你上到樓好威威喇唉…

圖片來源、資料來源：yu_ikaaa／instagram