細細聲話畀大家知，其實毛毛都係一個肥仔嚟…有時著白T，上半身某個部份就會唔小心突咗出嚟，都真係幾老尷…尤其是就嚟秋天，你知啦畀風一吹一涼親又會嚟料㗎嘛，分分鐘仲會搞到好似呢個台灣網民咁?喎！

話說呢個網友諗住喺group度表達下自己要減肥嘅決心，仲post埋自己嘅肉照，希望大家可以激勵下佢咁話。可惜佢班朋友唔幫佢打氣不特止，仲瘋狂恥笑佢個波地?呀！

喂，做咩笑人啫！未見過咁大粒黑加侖子味軟糖咩！而且擘大你對眼睇清楚先啦，人哋粒糖根本就冇咁長！

幻覺嚟㗎咋，粒糖其實只係後面張牆紙個自由神像嘅一部份！嚇得毛毛吖，差啲以為自己睇緊人體奧妙展呀。呢個故事教訓大家，就係影相，角度真係好L重要！

好似之前呢個網友又係，明明影手指公，但係就畀人以為佢影巨龍，即刻失晒雄風呀！睇嚟毛毛都要跟啲挨豬女神學下嘢，睇下咩角度可以影得自己好睇啲先。

圖片來源、資料來源：Dcard

回帶：【角度的重要性】無啦啦sd張咁嘅相出嚟想嚇死人咩！