2016年10月16日 星期日
【幻覺嚟㗎啫】點解個PS VR頭套成條底褲咁樣樣嘅？
眾所9知，價值三千幾蚊港紙嘅PlayStation VR套裝已經喺上星期正式發售，有成功入手嘅日本網民都即刻出返個開箱post嚟威下。
不過咁，畀啲fd子知你買咗PS VR套裝，啲fd子仲唔即刻問你借嚟玩咩……咦，咁個PS VR套裝容乜易畀班hihi fd輪到污糟晒㗎？有見及此，所以呢位網民一早做好準備，連PS VR專用頭套都買埋喇！喂係咪好醒目仔先？
雖然戴咗個頭套係就係衛生啲，不過呢位網民就發現個頭套唔戴嗰陣就成條底褲咁，而亂咁戴個頭套仲會令到呢位網民變到成個「變態超人」咁?？
btw，希望呢位網民唔好將個PS VR頭套亂咁擺啦，如果唔係陣間畀阿媽見到，嚇親佢老人家就唔係咁好啦，55。
