話說，噚日一個叫「綠豆嘉義人」嘅facebook page就upload咗張相，話喺台灣嘉義一間Starbucks見到有位女士咁樣樣瞓咗喺張沙發上面，仲要連鞋都除埋，當正張沙發係自己屋企張床咁款?！而家就等毛毛同大家一齊睇下。

咦，張沙發又好似真係幾舒服咁喎！雖然間Starbucks都幾多人，但呢位女士依然無懼世俗人眼光，照瞓喺張沙發上面，呢種對瞓覺嘅執著真係欽敬欽敬呀！而有網民見到呢位女士嘅行為就話，可能佢係驚一個人瞓太寂寞，所以先搵個人多熱鬧嘅地方嚟瞓啫～

另外，有另一位網民都表示，其實「Starbucks當屋企」嘅嘢成日都有㗎啦，之前喺同一個地方先見到有人赤腳踩茶几咋嘛！

老老77，唔好話台灣啦，其實香港咪又係咁，如果唔係早前就唔會有讀者喺銅鑼灣大型傢俬鋪見到對情侶好認真咁試床啦。

資料來源：綠豆嘉義人

延伸閱讀：有床，真係唔試？